På kiruna.se används kakor, på engelska cookies. Kakor används för att webbplatsen ska fungera på bästa sätt. Om du fortsätter, utan att ändra inställningarna i din dator, så godkänner du att kakor från kiruna.se används. 

Läs mer om kakor och hur de används på kiruna.se

Här kan du välja vilket språk du vill läsa vår hemsida på. Vi använder Google Translate vid översättning av innehållet på webbplatsen.

Kiruna kommun

Mysinge

Hoito-ja huoltoasumisessa

Kirunan Kunnassa oon tänä päivänä 312 lääkenheettiä hoito-ja huoltoaumisissa. Lääkenheetit oon niile jokka tarttevat hoitoa, huoltoa ja palvelua vuorokauet ympäri.

Net eri asunot täyttävät eri tarpheita ja jokhaisessa asumisessa oon saihraanhoitajia, työterapeyttiä ja siukkajymnastia saatavissa.

Hakemus ette saaja siirtyä hoito-ja huoltoasumisheen tullee useasti aktyelliksi ko tarve perhäänkattomisesta ja huolenpiosta elikkä jos vaatimukset turvalisuuesta ja turvasta arvioihaan olevan niin suuret ette se ei ennää ole maholista asua omassa kotipaikassa kotiavun avula.

Se jollako oon toivomukset ja tarpheet ette siirtyä hoito-ja huoltoasumisheen pittää hakea semmosta avustuskäsitteliältä.
Ota yhtheyttä avustuskäsitteliän kansa sinun asuntoaluheela ette saaja lissää tietoa kunka hakemus tehthään.

Joskus oon erityisiä toivomuksia ette saaja siirtyä vishiin asumisheen. Kunnan asumisyhistäjä, joka jakkaa lääkenheetit, ottaa huomihoon toivomuksia niin pitkälti ko oon maholista. Mutta koska kysyntö lääkenheetistä oon suurempi ko saatavuus niin lääkenheetit pittää jakkaa huolenpiontarpheesta ensi siassa. Se tarkottaa ette toivomukset vissistä asunosta tulle toisessa siassa.

Vaphaat lääkenheetit jaaethaan sen mukhaan kellä päivän päälä oon issoin tarve hoijosta ja palvelusta jotako tarjothaan hoito- ja huoltoasumisessa. Se oon siis se aktyelli huoltotarve, ei kuka oon oottanu pissiimän aijan joka päättää kelle vapa lääkenheetti tarjothaan.

Ko siirtyy sisäle häätyy olla matkassa henkilökohtaset tavarat niinku omat vaatheet, lääkheet, lääkelista ja tualettitavarat.

Hoito-ja huoltoasumiset jokka tänä päivänä oon Kirunan Kunnassa

Blomstergården Abrahamsvägen 9, Vittanki
24 lääkenheettiä jaettu 2 vuoninkille

Ängsgården Centralvägen 8, Vittangi
14 lääkenheettiä yhelä plaanila. 1 lääkenheetti jossako oon 2 helpotuspaikkaa

Videgården Karesuanto
10 lääkenheettiä yhelä plaanila ja 1 helpotuslääkenheetti

Fjällgården Geologgatan 12
16 lääkenheettiä jaettu 2 vuoninkille

Rosengården Thulegatan 21B
33 lääkenheettiä jaettu 2 vuoninkille

Solbacken Thulegatan 29 (sairaalan yhtheyessä)
36 lääkenheettiä jaettu 2 vuoninkille

Gläntan Glaciärvägen 8 A-D oon Minuriteettiasunto saamenkielenpuhuville ja suomenkielisielle/meänkielisille
32 lääkenheettiä 2 vuoninkilla ja jaettu 4 pienemphään oshaan.

Mysinge Ljungplan 1A
Tähhään kuuluu 3 taloa Mysinge Gård, Mysinge Backe ja Mysinge Strand. Kaikki kolme taloa oon yhtheenliitetty toishiin.
Yhtheens oon 59 lääkenheettiä jaettu 3 talhoon.

Movägen Movägen 28 A-J
99 lääkenheettiä jaettu 10 lisärakenuksheen joka kansa mahuttaa lyhyaika-asumisen.

Paikkaa lyhyaika-asumisheen saatethaan myöntää sulle jollako oon iso huoltotarve vuorokauvet ympäri jotako hetkele ei mene antaa kotona. Se saattaa olla kyse ette sie tarttet aikaa toipumisheen ette saattaa tulla takashiin kotia, tionvalmistukselle avustuskäsitteliälle jatkuvalle tutkimukselle ja helpotuksheen ette tukea omhaista joka hoitaa likhiistä kooissa.

Innehållsansvarig: Kommunkansliet, Susanne Hägglund

Publicerad av: Ann-Helen Andersson

Senast ändrad: 2019-06-27