Google translate text, här kan du översätta din sida.

Beaivečáhcepárka

Beaivečáhcepárka árktalaš birrasis klimáhttii heivehuvvon šattuiguin. Duottarmáilmmi sierra čáhcebirrasat;duottar, čáhci ja jeakkit movttiidahttet šaddoeallima beaivečázi birra.
Duoddara symbolisere vuollegis rissešaddogeardu mii lea vižžon lagas birrasis.
Čázi symboliserejit vilges, alitrukses ja čuvgesrukses šattut ja maiddái vilda kulturšattuid seaguhus mas leat valjit rássešlájat. Šattut galget sulastahttit šaddodaga mat gávdnojit čázadagaid bálddas.
Jeakki symboliserejit fiskes ja oránša šattut vai sulastahttet jeakki ja čavčča ivnniid. Šattut galget sulastahttit šaddodaga mii lea jekkiin.
Eará šaddoeallima oaidningiettis leat fiinna šlájat. Šattut leat boares kulturšattut mat leat čuvvon Gironii daid olbmuid mielde geat leat válljen orrut deike.

Beaivečáhcesystema ájiha čáhcegolgama Luossajohkii. Dat mielddisbuktá ahte dulvanriska unno ráššoarvin. Garra arvin divvet leađbmat granáhtavállaid gaskkas ja dievas návccas olles lágádus lea dievvan čáziin. Beaivečáhcesystema ráidne maid čázi. Arve- ja suddančáhci, gáhtain, luottain ja bisánanbáikkiin golgá beaivečáhcegáivvuide birra ođđa Girona. Dan maŋŋil čáhci ráinnasduvvá vehá gearddiinis, earret eará šattuid vehkiin mat njammet dan čázi mii lea duolvan. Ráidnen dáhpáhuvvá maid beaivvi UV- čuovgga suohkuma, oksyderema dehe gollama bakte.