Oon olemassa eri maholisuuksia äänestää ylheisissä vaalissa, näistä tietoja tässä alempanna.
Vaalipäivänä 11. syyskuuta sie saatat äänestää sinun vaalipaikala. Vaalipaikat oon auki vain vaalipäivänä.
Sinun vaalikortissa seisoo missä vaalipaikassa sie piät äänestää. Siinä seisoo kans missä vaalissa sulla oon äänestysoikeus ja vaalipaikan osote ja aukiolot. Sie piät ottaa myötä id-kortin jos sie äänestät sinun vaalipaikassa vaalipäivänä.
Huomaa, ette sinun vaalipaikka oon saattanu muuttua aikasemmista vaalista. Sie saatat vain äänestää siinä vaalipaikassa, joka kuuluu sinun vaalipiihriin.
Vaalipaikat oon auki kello 08.00-20.00.
Lue lissää siittä kunka sie äänestät vaalipaikassa 
Länk till annan webbplats, öppnas i nytt fönster.
Kierunan kunnan vaalipiirit ja vaalipaikat
Vaalipiirit | Vaalipaikat |
|---|---|
Bolaget – Triangeln | Triangelskolan, rastihalli |
Högalid – Sandstensberget | Högalidskolan, rastihalli |
Jukkasjärvi | Jukkasjärven koulu, päärakenus |
Kiruna Centrum/Kierunan keskus | Centralskolan, HSO:n paikat (Toimioikeus) |
Kiruna nordost/Kieruna koilinen | Ylä-Soppern koulu, urheiluhalli |
Kiruna sydost/Kieruna kaakko | Vittangi, Folkets hus |
Lombolo mellersta/Keski-Lompolo | Kottens förskola, osasto Granen |
Lombolo västra/Länsi-Lompolo | Lombolo förskola, osasto Nyckelpigan |
Lombolo östra – Nikkaluoktavägen/Itä-Lompolo/Nikkaluoktan tie | Nya Raketskolan, kuvasali |
Luossavaara-Abisko | Luossavaaraskolan, vapaa-aika |
Tuolluvaara – Kurravaara | Kaupunkintalo Kristalli/Kaupunkitalohalli |
Östermalm | Thulegården, fuajee |
Övre Norrmalm – Rautatie | Samegården, aula |
Ko oon vaalit sie saatat ennakkoäänestää vaalipäihvään saakka, koko maassa, missä vain. Ennakkoäänestyspaikkoja oon joka kunnassa.
Ennakkoäänestys oon auki 24. elokuuta 11. syyskuuhun.
Ko sie ennakkoäänestät sinun äänestyspaikassa sie piät ottaa myötä niin legitimašuunin ko äänestyskortin.
Lue lissää siitä kunka sie ennakkoäänestät Länk till annan webbplats, öppnas i nytt fönster.
Paikka | Aukioloaijat |
|---|---|
Abisko, koulu | 6, syyskuuta kl 16.00 -18.00 |
Karesuando, Eurosuandohuset | 25. elokuuta kl 11.00-13.00 |
Kattuvuoma | 4.syyskuuta kl 11.00-11.30 |
Kebnekaise fjällstation | 3. syyskuuta kl 12.00-15.00 |
Kuttainen, sporttihalli | 30.elokuuta kl 14.00-16.00 |
Kieruna, Hjalmar Lundbohmsskolan | 7.syyskuuta kl 12.00-14.00 |
Kieruna, Malmfältens folkhögskola/ | 7.syyskuuta kl 9.00-11.00 |
Kiruna, Stadshuset Kristallen | 24–25.elokuuta kl 11.00-17.00 |
Svappavaara, Fritidsgården | 30.elokuuta kl 15.00-18.00 |
Vittangi, Folkets hus | 1.syyskuuta kl 10.00-12.00 |
Vuosko | 4.syyskuuta kl 10.00-10.30 |
Övre Soppero, skolan | 30.elokuuta, kl 15.00-17.00 |
Sie saatat ennakkoäänestää kirjapyssissä seuraavinna aikoina ja näissä paikoissa:
Kirjapyssi
Paikka | Aukiolo |
|---|---|
Abisko, koulun kääntöpaikka | 24.elokuuta kl 12.15-13.15 |
Vivungi, kääntöpaikka | 29.elokuuta kl 13.45-14.45 |
Lainio, färipaikka | 29.elokuuta kl 16.30-18.00 |
Masunu, entinen kauppa | 30.elokuuta kl 17.00-18.15 |
Parakka, entinen kauppa | 1.syyskuuta kl 16.00-18.00 |
Lannavaara, Lannavaara lodge | 7.syyskuuta kl 17.00-18.00 |
Övre Soppero, pensiinimakki | 8.syyskuuta kl 11.30-12.30 |
Sie saatat ennakkoäänestää postipojan taikka muun asiamiehen kautta, katto tietoa alempanna, sivuila.
Jos sie saihrauen taikka toimintakykyvaikeuksien taikka ijän vuoksi et pääse ennakkoäänistyksheen taikka vaalipaikale vaalipäivänä sie saatat äänestää liikkuvan äänistysvasthaanottajan kautta, katto tietoa alempanna sivuila.
Asiamiehen kautta äänestäminen tietää sitä, ette joku muu ko sie itte ottaa sinun äänestyksen vaalipaikale taikka ennakkoäänestyspaikale
Asiamiesäänestyksen saatethaan jättää sisäle ennakkoäänestyksenä taikka vaalipäivänä 11. syyskuuta sinun vaalipaikassa. Äänestyksen kunthoon laittamisen viiminen päivä oon vaalipäivä.
Kukas saattaa asiamiesäänestää?
Sie saatat äänestää asiamiehen kautta näistä syistä:
- saihraus
- ikä
- toimintakykyvaikeus
- oon tutkintapietettynä taikka rikoshoitolaitoksessa
- jos sie asut taikka olet postikuljettajlinjala sie saatat kans asiamiesäänestää postikuljettajan kautta.
Mitäs mie tartten asiamiesäänestystä varten?
Äänestäkääksesti asiamiehen kautta sie tarttet asiamiehen, viehraanmiehen ja materiaalia asiamiesäänestystä varten.
Lue lissää asiamiesäänestyksestä Länk till annan webbplats, öppnas i nytt fönster.
Äänestysvasthaanottajan kautta äänestäminen tietää sitä, ette kaks äänestysvasthaanottajaa tullee sinun kotia taikka muuhun paikhaan, missä sie olet, ottamhaan vasthaan sinun äänestyksen.
Jos sie et pääse äänestyspaikale etkä tunne kethään, joka saattaa olla sinun asiamies, sinun kunta saattaa hommata liikkuvan äänestysvasthaanottajan.
Tämä koskee kans sinua, joka et pääse äänestyspaikale näistä syistä:
- saihraus,
- ikä taikka
- toimintakykyvaikeus.
Sinun äänestyksen pittää laittaa kunthoon samala laila ko ennakkoäänestys paikalisessa ennakkoänestyksessä. Liikkuvat äänestysvasthaanottajat ottava myötä materiaalia ja kans tyhjiä saaliplaavia ja niitten puoluevaaliplaavia joihin niilä oon oikeus saa’a painetuiksi ja ulos laitettaviksi.
Jos sie haluat käyttää puolueitten nimivaaliplaavia ko sie äänestät liikkuvan äänestysvasthaanottajan kautta, sie piät itte tilata semmosia puolueilta, joita sie haluat äänestää.
Tillaa liikkuva äänestysvasthaanottaja täältä
24. elokuun ja 11. syyskuun välisennä aikana Kierunan kunta tarjoaa liikkuvaa äänestysvasthaanottajaa:
- Tiistaisin – tuorestaisin kontturiaikana
- Vaalipäivänä kello 15.00. saakka.
Äänestäjä, joka tahtoo liikkuvaa äänestysvasthaanottajaa liika hiljain vaalipäivänä saatethaan kieltäytyä antamasta.
Liikkuvan äänestysvasthaanottajan saattaa tilata vaalihallinon kautta. Tillaus tapahtuu päiväsaikhaan ennakkoäänestyksen kauen aikana.
Telefooni: 0980-755 99 (alkaen 15. elokuuta)
Sähköposti: valnamnd@kiruna.se
Lue lissää liikkuvasta äänetysvasthaanottajasta Länk till annan webbplats, öppnas i nytt fönster.