Joka neljäs vuosi oon valtiopäivävaalit. Vaalit piethään aina syyskuun toisena pyhänä. Seuraavat vaalit piethään syyskuussa 2022.
Kaikki ruottalaiset alamaiset saava maholisuuen valita kukka heitä pitävä eustaa valtiopäivilä, mikä oon Ruottin korkein päätöksiä tekevä seurakunta. Samala kertaa ko oon valtiopäivävaalit oon kans maakäräjä- ja kunnanvaltuustovaalit.
Kukas saapi äänestää näissä eri vaalissa? Saa’aksesti äänestää valtiopäivile sie hääyt olla:
- Ruottin alamainen ja olla taikka ollu kirjoila Ruottissa.
Saa’aksesti äänestää maakäräjä- ja kunnanvaltuustovaalissa sie hääyt olla:
- Ruottin alamainen ja kirjoila regiuunissa, kunnassa taikka
- jonku EY:n jäsenmaan alamainen taikka Islannin taikka Norjan ja sie hääyt kans olla kirjoila regiuunissa, kunnassa taikka
- jonku muun maan alamainen taikka valtioton, ja ette sie olet ollu kirjoila Ruottissa kolme vuotta ennen vaalipäivää, ja kans olla kirjoila regiuunissa taikka kunnassa.
Kaikki, jolia oon äänestysoikeus, saava äänestyskortin.
Muita vaalia
Eurooppaparlamenttivaalit oon suuniteltu vuele 2024.
Kirkkovaltuustovaalit hoitaa Ruottin kirkko vuesta 2001 ja piethään joka neljäs vuosi. Seuraavat kirkkovaltuustovaalit oon 2025.
Saamekäräjien parlamenttivaalit hoitaa Saamekäräjät ja piethään joka neljäs vuosi. Seuraavat Saamekäräjävaalit oon 2025.
Ruottin ylheisvaalisuojaa vahvistethaan
Vaalivirkakunta tekkee työtä vahvistaaksheen Ruottin ylheisvaalisuojaa. Syy siihen oon ympäröivän mailman muuttuminen, lissäintynny uhka koskien vaalien pitämistä, aikasempia yrityksiä vaikuttaa vahinkoittaaksheen vaaliprosessin luotettavuutta ja lissäintyvät raportit tapahtumista aikasempana vaalikautena.
Lissää tietoa löytyy Vaalivirkakunnasta
Länk till annan webbplats, öppnas i nytt fönster.
Ole lähekriittinen
Lähekritikistä oon viimisimpinä vuosina tullu ylheisesti levitettyä tietoa. Tämän päivän metia-alue oon vaikuttannu meihin, ette met kaikin siivilöittemä ja värteeramma informašuunia.