Kirunan Kunnassa oon tänä päivänä 312 lääkenheettiä hoito-ja huoltoaumisissa. Lääkenheetit oon niile jokka tarttevat hoitoa, huoltoa ja palvelua vuorokauet ympäri.
Net eri asunot täyttävät eri tarpheita ja jokhaisessa asumisessa oon saihraanhoitajia, työterapeyttiä ja siukkajymnastia saatavissa.
Hakemus ette saaja siirtyä hoito-ja huoltoasumisheen tullee useasti aktyelliksi ko tarve perhäänkattomisesta ja huolenpiosta elikkä jos vaatimukset turvalisuuesta ja turvasta arvioihaan olevan niin suuret ette se ei ennää ole maholista asua omassa kotipaikassa kotiavun avula.
Se jollako oon toivomukset ja tarpheet ette siirtyä hoito-ja huoltoasumisheen pittää hakea semmosta avustuskäsitteliältä.
Ota yhtheyttä avustuskäsitteliän kansa sinun asuntoaluheela ette saaja lissää tietoa kunka hakemus tehthään.
Joskus oon erityisiä toivomuksia ette saaja siirtyä vishiin asumisheen. Kunnan asumisyhistäjä, joka jakkaa lääkenheetit, ottaa huomihoon toivomuksia niin pitkälti ko oon maholista. Mutta koska kysyntö lääkenheetistä oon suurempi ko saatavuus niin lääkenheetit pittää jakkaa huolenpiontarpheesta ensi siassa. Se tarkottaa ette toivomukset vissistä asunosta tulle toisessa siassa.
Vaphaat lääkenheetit jaaethaan sen mukhaan kellä päivän päälä oon issoin tarve hoijosta ja palvelusta jotako tarjothaan hoito- ja huoltoasumisessa. Se oon siis se aktyelli huoltotarve, ei kuka oon oottanu pissiimän aijan joka päättää kelle vapa lääkenheetti tarjothaan.
Ko siirtyy sisäle häätyy olla matkassa henkilökohtaset tavarat niinku omat vaatheet, lääkheet, lääkelista ja tualettitavarat.
Hoito-ja huoltoasumiset jokka tänä päivänä oon Kirunan Kunnassa:
Abrahamsvägen 9, Vittanki
24 lääkenheettiä jaettu 2 vuoninkille
Geologgatan 12
16 lääkenheettiä jaettu 2 vuoninkille
Glaciärvägen 8 A-D oon Minuriteettiasunto saamenkielenpuhuville ja suomenkielisielle/meänkielisille
32 lääkenheettiä 2 vuoninkilla ja jaettu 4 pienemphään oshaan.
Movägen 28 A-J
99 lääkenheettiä jaettu 10 lisärakenuksheen joka kansa mahuttaa lyhyaika-asumisen.
Ljungplan 1A
Tähhään kuuluu 3 taloa Mysinge Gård, Mysinge Backe ja Mysinge Strand. Kaikki kolme taloa oon yhtheenliitetty toishiin.
Yhtheens oon 59 lääkenheettiä jaettu 3 talhoon.
Thulegatan 29 (sairaalan yhtheyessä)
36 lääkenheettiä jaettu 2 vuoninkille
Karesuanto
10 lääkenheettiä yhelä plaanila ja 1 helpotuslääkenheetti
Centralvägen 8, Vittangi
14 lääkenheettiä yhelä plaanila. 1 lääkenheetti jossako oon 2 helpotuspaikkaa